admin — Էջ 9 — ME&A Inc.

Արարատյան դաշտի հողածածկի և հողօգտագործման քարտեզագրման արդյունքների ներկայացում

admin ASPIRED Armenia 21 Հունիսի, 2018

ՀՀ բնապահպանության, գյուղատնտեսության, էներգետիկ ենթակառուցվածքների և բնական պաշարների նախարարությունների, հետազոտական ու գիտաուսումնական հաստատությունների ներկայացուցիչներին ԳԱՏՕ ծրագիրը հունիսի 19-ին ներկայացրեց Արարատյան դաշտի հողածածկի/ հողօգտագործման դասակարգման արդյունքները: ԳԱՏՕ ծրագրի նպատակներից մեկը Արարատյան դաշտի ստորերկրյա ջրային ռեսուրսների վերաբերյալ տվյալների բարելավումն է՝ տվյալների հավաքման, մշակման ու պահպանման գործող մեխանիզմների կատարելագործման միջոցով:

ՀՀ բնապահպանության նախարարության Շրջակա միջավայրի մոնիթորինգի և տեղեկատվության կենտրոնի տնօրեն Սիմոն Պապյանը շնորհակալություն հայտնեց
ԱՄՆ ՄԶԳ-ին Հայաստանի ջրային ոլորտի զարգացմանն ուղղված շարունակական աշխատանքների համար: Ընդունելով, որ ԳԱՏՕ ծրագրի թիմն իրականացրել է բարդ վերլուծություն, նա ընդգծեց, որ տարածքի բնապահպանական խնդիրները պետք է դիտարկվեն Արարատյան դաշտի հողօգտագործման և ջրօգտագործման խնդիրների փոխկապվածության համատեքստում: Արարատյան դաշտի հողածածկի/հողօգտագործման դասակարգումը ԳԱՏՕ ծրագրի կողմից իրականացվել էր՝ օգտագործելով Sentinel-2 բարձր ճշգրտության արբանյակային պատկերները և Շրջակա միջավայրի պահպանության եվրոպական գործակալության CORINE (Coordinated Information on the Environment) համակարգը: Արբանյակային պատկերների վերամշակման արդյունքում հատկորոշվել էին խնդրահարույց տարածքները, որտեղ լրացուցիչ ճշգրտման նպատակով GPS սարքերով իրականացվել էին տեղազննման աշխատանքներ: Որպե

Տեղազննման աշխատանքների՝ GPS սարքերի օգնությամբ

ս վերջնական արդյունք՝ ԳԱՏՕ ծրագիրը պատրաստել էր Արարատյան դաշտի հողածածկի/հողօգտագործման քարտեզ, որը, առկա տվյալների բազաների հետ միասին, տրամադրվեց շահագրգիռ կազմակերպություններին:

ՀՀ էներգետիկ ենթակառուցվածքների և բնական պաշարների փոխնախարար Վարդան Գևորգյանը նշեց, որ Հանրապետական երկրաբանական ֆոնդը նույնպես ունի զգալի քանակով տվյալներ և նյութեր: ԳԱՏՕ ծրագիրը և նախարարությունների մասնագետները թերևս պետք է տեխնիկական քննարկումներ ունենան՝ ստուգելու երկու տվյալների շարքերի համապատասխանությունը:

Հողածածկի/հողօգտագործման տվյալների կիրառմամբ հնարավոր կլինի ստանալ տեղումներ-հոսք կորերը և հաշվել Արարատյան արտեզյան ավազանի ջրային և ջրատնտեսական հաշվեկշիռները: Նշված վերլուծական գործիքների կիրառման հնարավորությունները բազմազան են՝ սկսած շրջակա միջավայրի պահպանությունից, հիդրոլոգիայից մինչև ռեսուրսների կառավարում և գյուղատնտեսություն՝ աջակցելով Արարատյան դաշտի ստորերկրյա ջրային ռեսուրսների օգտագործման վերաբերյալ իրազեկված որոշումների կայացմանը:

ՀՀ գյուղատնտեսության նախարարի տեղակալ Արմեն Հարությունյանն արժեքավորեց ԱՄՆ ՄԶԳ-ի և ՀՀ գյուղատնտեսության նախարարության միջև երկարատև գործընկերությունը: Խոսելով տվյալների հավաքման ժամանակակից մեթոդների մասին՝ պրն. Հարությունյանն ընդգծեց Հայաստանի համապարփակ էլեկտրոնային քարտեզ ունենալու կարևորությունը, որտեղ համախմբված կլինեն բնապահպանության, գյուղատնտեսության, էներգետիկայի և առնչվող այլ ոլորտների վերաբերյալ զանազան տվյալները: Այնուհետև նշեց, որ մոտ ապագայում դա կարող է դառնալ ԱՄՆ ՄԶԳ-ի և
ՀՀ կառավարության հերթական կարևոր ծրագրերից մեկը:

ԱՐԱՐԱՏՅԱՆ ԴԱՇՏԻ ՍՏՈՐԵՐԿՐՅԱ ՋՐԱՎԱԶԱՆԻ ՄՈԴԵԼԱՎՈՐՈՒՄ

admin ASPIRED Armenia 7 Հունիսի, 2018

**Արարատյան դաշտը և նրա ջրհավաք ավազանը**

Հունիսի 6-ին ԳԱՏՕ ծրագրի թիմը ՀՀ Բնապահպանության նախարարության մասնագետներին ներկայացրեց Արարատյան դաշտի ստորերկրյա ջրավազանի մոդելավորման աշխատանքները: Ստորերկրյա ջրավազանի մոդելի նպատակն է ստեղծել Արարատյան ստորերկրյա ջրավազանի վերաբերյալ որոշումների կայացմանն օժանդակող այնպիսի գործիք, որը կնպաստի ստորերկրյա ջրային ռեսուրսների արդյունավետ կառավարմանը, ինչպես նաև մոնիթորինգի և վերահսկման գործառույթների բարելավմանը: Այն կարևոր է նաև ստորերկրյա ջրերի օգտագործման նկատմամբ երկարաժամկետ պահանջարկի պլանավորման և ռեսուրսի պահպանությանն ուղղված քաղաքականության մշակման առումներով:

Արարատյան դաշտի ստորերկրյա ջրավազանի մոդելավորման աշխատանքները ներառում են հետևյալ քայլերը՝

Արարատյան դաշտի ստորերկրյա ջրավազանի եռաչափ մոդելի կառուցում՝ Արարատյան դաշտի հորերի հիդրոերկրաբանական տվյալներով (շերտագրություն, ապարների երկրաբանական կառուցվածք, հասակ և այլն)
Ստորերկրյա ջրավազան մուտք գործող խորքային հոսքի որոշում (սնում) ՝ տեղումներով ու ջրօգտագործումից ինֆիլտրացիոն ճանապարհով ստորերկրյա ջրավազան մուտք գործող ջրաքանակ,
Ջրատար շերտերի ընդհանուր և ջրի ծավալների որոշում
Ստորերկրյա ջրերի հոսքի թվային մոդելի ստացում, այդ թվում ստորերկրյա հոսքի ուղղությունների որոշում

Մոդելավորման հիմնական միջավայրն է ԵՏՀ (ArcGIS), իսկ անհրաժեշտ գործիքները՝ Arc Hydro Groundwater (AHGW), Groundwater Modeling System (GMS) և MODFLOW համակարգչային ծրագրերը:

Սկզբնական փուլում ԳԱՏՕ ծրագրի թիմը մշակել է Արարատյան դաշտի ստորերկրյա ջրավազանի գաղափարական մոդելը, որը ներկայացնում է մոդելավորման նպատակը, հիմնական քայլերը, կիրառվող մոտեցումներն ու գործիքակազմը և ակնկալվող արդյունքները: Մոդելն ընդգրկելու է Հայաստանի Հանրապետության սահմաններում ընկնող Արարատյան դաշտի տարածքը՝ մինչև 900մ բարձրություններով:

Տարածաշրջանը տնտեսական մեծ նշանակություն ունի Հայաստանի համար՝ իր գյուղատնտեսական և տնտեսական ակտիվությամբ, բնակչության թվով և ստորերկրյա ջրային ռեսուրսներից ջրառի քանակով: Երկրում ստորերկրյա ջրային ռեսուրսների օգտագործման ծավալի շուրջ 50%-ը բաժին է ընկնում Արարատյան դաշտին:

Մոդելի մշակման աշխատանքներն իրականացնելու համար ԳԱՏՕ ծրագրին անհրաժեշտ կլինի Բնապահպանության նախարարության, մասնավորապես՝ Շրջակա միջավայրի մոնիթորինգի և տեղեկատվության կենտրոնի աջակցությունը: Հանդիպման ժամանակ և ԳԱՏՕ ծրագրի և կենտրոնի մասնագետները կարևորեցին թիմային աշխատանքը այս խնդրահարույց առաջադրանքի իրականացման գործում՝ հաշվի առնելով Արարատյան դաշտի արտեզյան ավազանի մեծությունն ու երկրաբանական բարդությունը:

ԱՐԱՐԱՏՅԱՆ ԴԱՇՏԻ ՁԿՆԱԲՈՒԾԱԿԱՆ ՏՆՏԵՍՈՒԹՅՈՒՆՆԵՐՈՒՄ ԱՎՏՈՄԱՏ ԿԱՌԱՎԱՐՄԱՆ ԿԵՆՏՐՈՆԱՑՎԱԾ, ԱՌՑԱՆՑ ՀԱՄԱԿԱՐԳԻ ՏԵՂԱԴՐՄԱՆ ԾՐԱԳԻՐ

admin ASPIRED Armenia 18 Մայիսի, 201818 Մայիսի, 2018

ԳԱՏՕ ծրագրի և «Կոկա-Կոլա Հելլենիկ Բոթլինգ Քամփնի Արմենիա ընկերության համատեղ ջանքերով՝ 2016 թ. հուլիսի 20-ին ստորագրված Փոխըմբռնման հուշագրի շրջանակներում, Արարատյան դաշտի ձկնաբուծական տնտեսություններում կտեղադրվի ավտոմատ կառավարման կենտրոնացված առցանց համակարգ: Պիլոտային ծրագրի արդյունքում ձկնաբուծական տնտեսությունների 20 ջրառի կետերում կտեղադրվեն հոսքաչափեր և տվյալներ գրանցող սարքավորումներ, որոնց միջոցով ստորերկրյա ջրերի հոսքի տվյալները իրական ժամանակային ռեժիմով փոխանցվելու են Բնապահպանության նախարարության հեռակա սերվերին: Տվյալները թարմացվելու են 5 րոպե հաճախականությամբ և պահպանվելու են մինչև 5 տարի ժամկետով:

Պիլոտային փուլում ծրագրի մեջ ընդգրկված են Արարատյան դաշտի 4 խոշոր ձկնաբուծական տնտեսություններ՝ «Ալեքս Գրիգ», «Ինտեր Ակվա», «Մաքս Ֆիշ», «Յունիֆիշ» սահմանափակ պատասխանատվությամբ ընկերությունները: Համակարգի բարեհաջող գործարկումից հետո Կառավարությունը նախատեսում է տեղադրել այն Արարատյան դաշտի մյուս ձկնաբուծարաններում:

Ավտոմատ կառավարման կենտրոնացված, առցանց համակարգի ներդրումը հնարավորություն կտա բարելավել Արարատյան դաշտի ստորերկրյա ջրերի օգտագործման մոնիտորինգը, մասնավորապես՝ հսկողությունը ջրային թույլտվությունների համապատասխանության նկատմամբ: Բացի այդ, հուսալի տվյալների համակարգի և վերլուծական գործիքների առկայությունը հիմք կհանդիսանա Արարատյան դաշտի ջրային ռեսուրսների վերաբերյալ ավելի իրազեկված և հիմնավորված որոշումների կայացման համար:

IFB # 040418-01 Նախամրցութային հանդիպման պարզաբանումներ

admin ASPIRED Armenia 16 Ապրիլի, 2018

IFB # 040418-01 ՊԷ խողովակների, կցամասերի ձեռքբերում և խողովակաշարի մոնտաժման աշխատանքներ Սայաթ-Նովա գյուղում ջրի կրկնակի օգտագործման և ոռոգման համակարգի բարելավման ծրագրի շրջանակում ս.թ. ապրիլի 11—ին տեղի ունեցած նախամրցութային հանդիպման պարզաբանումները կարելի է տեսնել այս հղումով՝ Pre-bid clarifications_sayat-nova bid

Ոռոգման համակարգի բարելավման ծրագիր Սայաթ-Նովա համայնքում

admin ASPIRED Armenia 4 Ապրիլի, 20184 Ապրիլի, 2018

Ընթացքում են Սայաթ-Նովա համայնքի ոռոգման ծրագրի պոմպակայանի շինարարական աշխատանքները: Պոմպակայանի շենքն արդեն գրեթե կառուցված է, շուտով կտեղադրվեն նաև պոմպերը: Պոմպակայանը կառուցվում է Մասիս-Ձուկ ձկնաբուծարանի տարածքում, որտեղից ջուրը մղվելու է Սայաթ-Նովա համայնքի ֆերմերներին պատկանող հարակից դաշտերը: Նոր համակարգը թույլ կտա ոռոգել մոտ 60 հա հողատարածք, իսկ հետագայում հնարավորություն կա ընդլայնելու համակարգը: Ծրագրի և ֆինանսավորող կողմերի մասին ավելի մանրամասն այստեղ.

Հայտ ներկայացնելու հրավեր. ՊԷ խողովակների, կցամասերի ձեռքբերում և խողովակաշարի մոնտաժման աշխատանքներ

admin ASPIRED Armenia 4 Ապրիլի, 2018

Հայտ ներկայացնելու հրավեր (ՀՆՀ)

ՊԷ խողովակների, կցամասերի ձեռքբերում և խողովակաշարի մոնտաժման աշխատանքներ

Սայաթ-Նովա գյուղում ջրի կրկնակի օգտագործման և ոռոգման համակարգի բարելավման ծրագրի շրջանակում

ԳԱՏՕ ծրագիրը հրավիրում է ներկայացնելու հայտեր պոլիէթիլենային խողովակների, կցամասերի ձեռքբերման, պոլիէթիլենային խողովակների եռակցման և խողովակաշարի մոնտաժման աշխատանքների իրականացման համար՝ Սայաթ-Նովա գյուղում ջրի կրկնակի օգտագործման և ոռոգման համակարգի բարելավման ծրագրի շրջանակում: Հայտի պայմաններին կարելի է ծանոթանալ սույն հղումով՝ IFB_Sayat Nova_Pipes_arm

Հայտերը պետք է ներկայացվեն մինչև 2018թ.-ի ապրիլի 18-ը՝ չորեքշաբթի օրը, Երևանի ժամանակով ժամը 17:00: Յուրաքանչյուր հայտատու պետք է հայտի տպագիր տարբերակը մեկ օրինակից ներկայացնի ԱՄՆ ՄԶԳ ԳԱՏՕ ծրագրի գրասենյակ՝ ք. Երևան, Տերյան 105/1, Ցիտադել բիզնես կենտրոն, 204 սենյակ հասցեով:

IFB # 020218-01. Ակվակուլտուրաների տեխնոլոգիաների փոխանցման ծրագրի շրջանակներում, ձկնաբուծական տնտեսությունում ջրի արդյունավետ օգտագործման համակարգի կառուցում. նախամրցութային հանդիպման պարզաբանումներ

admin ASPIRED Armenia 17 Մարտի, 2018

Ս.թ. մարտի 14-ին հետաքրքրված հայտատուների կողմից ձկնաբուծարան կատարած այցելությունից հետո նախամրցութային հանդիպման հարցերի պարզաբանումները կարելի է ներբեռնել սույն հղումով՝ Clarifications Pre_bid Meeting_Aquaculture Technology Transfer Project

Հայտ ներկայացնելու հրավեր ձկնաբուծական տնտեսությունում ջրի արդյունավետ օգտագործման համակարգի կառուցման աշխատանքներն իրականացնելու համար

admin ASPIRED Armenia 7 Մարտի, 2018

Հայտ ներկայացնելու հրավեր (ՀՆՀ)

Ակվակուլտուրաների տեխնոլոգիաների փոխանցման ծրագրի շրջանակներում, ձկնաբուծական տնտեսությունում ջրի արդյունավետ օգտագործման համակարգի կառուցման աշխատանքներն իրականացնելու համար

«Գիտական առաջադեմ տեխնոլոգիաների օգտագործում և համագործակցություն հանուն ռեսուրսների համալիր պահպանության» (ԳԱՏՕ) ծրագիրը հրավիրում է ներկայացնելու հայտեր Մեծամոր քաղաքի հարևանությամբ գտնվող «Արմավիրի Ֆերմեր» ՍՊԸ-ին պատկանող ձկնաբուծարանի 2-րդ տեղամասի տարածքում, գոյություն ունեցող հինգ բետոնե ավազանների բազայի վրա կառուցել փորձարարական ձկնաբուծական տնտեսություն՝ ջրի արդյունավետ օգտագործման տեխնոլոգիաների փորձարկման և ցուցադրման համար:

ՀՆՀ-ի ամբողջական տեքստը՝ ATTC_Construction_ARM

Հայտերի ներկայացման վերջնաժամկետն է ս.թ. մարտի 21-ը՝ Երևանի ժամանակով ժամը 17:00: Հայտատուները պետք է իրենց հայտի տպագիր տարբերակը մեկ օրինակից հայերեն լեզվով ներկայացնեն ԱՄՆ ՄԶԳ ԳԱՏՕ ծրագրի գրասենյակ՝ ք. Երևան, Տերյան 105/1, Ցիտադել բիզնես կենտրոն, 204 սենյակ հասցեով:

Նոր փոփոխություններ Հոսքաչափերի և տվյալներ գրանցող սարքավորումների ձեռքբերման և տեղադրման IFB # 020218-01 մրցույթում

admin ASPIRED Armenia 21 Փետրվարի, 2018

Սույնով տեղեկացնում ենք, որ Հոսքաչափերի և տվյալներ գրանցող սարքավորումների ձեռքբերման և տեղադրման IFB # 020218-01 մրցույթի հայտերի ներկայացման վերջնաժամկետը երկարաձգվել է մինչև ս.թ 2018թ. փետրվարի 26-ը, արևելյան ամառային ժամանակով (EST) ժամը14:00: Մրցույթի մնացած պայմանները մնացել են անփոփոխ:

Հայտարարություն ձկնաբուծարաններ կազմակերպվող լրացուցիչ այցելության վերաբերյալ

admin ASPIRED Armenia 21 Փետրվարի, 2018

2018թ. փետրվարի 2-ին հայտարարված «Հոսքաչափերի և տվյալներ գրանցող սարքավորումների ձեռքբերում և տեղադրում Արարատյան դաշտում» IFB # 020218-01 հայտ ներկայացնելու հրավերում նշված ձկնաբուծական տնտեսություններ լրացուցիչ այցելությունը կկազմակերպվի սույն թվականի փետրվարի 22-ին, ժամը 10:00 –ին ԳԱՏՕ ծրագրի գրասենյակից՝ Ցիտադել բիզնես կենտրոն, Տերյան 105/1 հասցեով:

ՀՆՀ-ում նշված բոլոր ձկնաբուծարաններ այցելությունները կկատարվի ԳԱՏՕ ծրագրի կողմից հատկացված փոխադրամիջոցով՝ ծրագրի ներկայացուցիչների ուղեկցությամբ: